Abý-Dabıde Reseı, AQSh jáne Ýkraına arasyndaǵy úshjaqty kelissóz bastaldy
ASTANA. KAZINFORM — BAÁ astanasyndaǵy kezdesý baspasóz úshin jabyq formatta ótip jatyr, dep habarlaıdy Kazinform TASS agenttigine silteme jasap.
Reseı delegatsııasyn Prezıdenttiń kómekshisi Vladımır Medınskıı, al Ýkraına delegatsııasyn Syrtqy barlaý qyzmetiniń basshysy Rýstem Ýmerov bastap bardy.
Sondaı-aq úshjaqty kelissózge AQSh prezıdentiniń arnaıy ókilderi Stıv Ýıtkoff pen Djared Kýshner de qatysyp jatyr.
Úsh eldiń kelissóz ókilderi buǵan deıin 18 aqpanda Jenevada bas qosqan edi.
Reseı prezıdentiniń baspasóz hatshysy Dmıtrıı Peskovtyń málimdeýinshe, Abý-Dabıdegi bul jolǵy kelissózde qaýipsizdik kepildikteri talqylanady.
Al AQSh-tyń arnaıy ókili Abý-Dabıde ótetin kelissózderdiń jańa kezeńi Reseı, Ýkraına jáne Eýropa arasyndaǵy qaýipsizdiktiń jańa júıesin qalyptastyrýǵa jol ashady degen úmit bildirdi.
Eske sala keteıik, buǵan deıin Reseı men Ýkraına kelissózderine qatysatyn Eýropa delegatsııasynyń quramy belgili bolǵanyn habarlaǵan edik.