Ábý-Dabıde Osman ımperııasy sultanynyń kóne semseri aýktsıonǵa shyǵaryldy
ASTANA. 10 jeltoqsan. QazAqparat - Aldymyzdaǵy beısenbi kúni Birikken Arab Ámirlikteriniń astanasy - Ábý-Dabıdegi Emirates Palace qonaq úıinde tarıhı jádigerler kórmesi ótedi, dep habarlaıdy muslim.kz. Kórmeniń bássaýdaǵa salynyp otyrǵan basty eksponattarynyń biri - Osman ımperııasy sultandarynyń biri qoldanǵan semser bolmaq.
Kynewsarabia.com habarlaǵandaı, bul semser Osman ımperııasyn 1830-1876 jyldar aralyǵynda basqarǵan Ábdi Ázizhanǵa tıesili kórinedi. Ábdi Ázizhan - Germanııa, Frantsııa jáne Mysyr sekildi Osman ımperııasynan tys jerlerge sapar jasaǵan jalǵyz sultan.
Semser damaskilik quryshtan soǵylǵan ári altyn jalatylǵan. Semserden altynmen aptalǵan arabsha jazýdy oqýǵa bolady. Semser, sondaı-aq, kúmispen kómkerilgen, kúrdeli jazýlar oıyp jazylǵan jáne sultannyń móri basylǵan.
Sondaı-aq, eksponattar kesheninde frantsýz músinshisiniń qolynan shyqqan, altyndatylǵan qola men pil súıeginen jasalǵan, 12 ǵasyrǵa jatatyn osmandyq pashanyń músini de qoıylǵan.
Sonymen birge, Abdolla Haraýı degen atpen málim Abdolla Tabaqtyń áıgili kórkem jazýymen jazylǵan, HÚІ ǵasyrǵa tıesili qasıetti Qurannyń kóne qoljazbasy da eldiń nazaryna usynylǵan.
