Ábý-Dabıde munaı-hımııa salasyndaǵy yntymaqtastyq boıynsha qujattarǵa qol qoıyldy

ASTANA. QazAqparat - Qazaqstan Respýblıkasynyń Prezıdenti Nursultan Nazarbaevtyń Birikken Arab Ámirlikterine (BAÁ) resmı sapary aıasynda QR Energetıka mınıstri Qanat Bozymbaev Qazaqstanda gaz-hımııalyq jobalardy iske asyrýdaǵy yntymaqtastyq boıynsha eki mańyzdy qujatqa qol qoıdy. Bul týraly QazAqparat vedomstvonyń baspasóz qyzmetine silteme jasap habarlaıdy.

Atap aıtqanda, QR Energetıka mınıstrligi, «Samuryq-Qazyna» UÁQ («Birikken hımııa kompanııasy» JShS), Borealis aýstrııalyq kompanııasy Atyraý oblysyndaǵy polıetılen óndirý (jylyna 1,250 mln tonna) jobasy boıynsha yntymaqtastyqtyń negizgi talaptary týraly kelisimge (TermSheet) qol qoıdy. 

Qol qoıylǵan kelisim memlekettik qoldaýdyń sharalar paketin bekitip, jobalaý satysyna kóshýdi negizdeıdi.

Tehnıkalyq-ekonomıkalyq negizdemeni ázirleýdi aıaqtaýdyń josparlanǵan merzimi - 2018 jyl.

Ekinshi qujat - Atyraý oblysyndaǵy polıpropılen óndirý jobasy boıynsha yntymaqtastyqqa qatysty Ózara túsinistik týraly memorandýmǵa da QR Energetıka mınıstrligi, «Samuryq-Qazyna» UÁQ («Birikken hımııa kompanııasy» JShS) jáne Borealis kompanııasy arasynda qol qoıyldy.

Memorandýmǵa sáıkes Borealis polıpropılen jobasyna tehnıkalyq-ekonomıkalyq taldaý jáne zań saraptamasyn júrgizedi.

Bul jobanyń quny 2,6 mlrd AQSh dollaryn, zaýyttyń qýaty jylyna 500 000 tonna polıpropılendi quraıdy.

Polıpropılen óndirý boıynsha jobany qazirgi ýaqytta «Samuryq-Qazyna» UÁQ iske asyrýda, atap aıtqanda ERS merdiger anyqtaldy, qaryzdy qarjylandyrý tartyldy, qurylys jumystary bastaldy. Qurylystyń aıaqtalý merzimi - 2021 jyl.

Qazaqstan Respýblıkasynda munaı-gaz-hımııa salasyn damytý úshin erekshe jaǵdaılar jasalǵandyǵyn atap ótken jón. Atap aıtqanda memleket jalpy zaýyt ınfraqurylysyn salýdy qarjylandyrady, jobalardy kepildi shıkizatpen qamtamasyz etedi, salyq jáne keden bajynan bosatý qoldanylady. Memleket ınvestıtsııalardy qorǵaýǵa kepildik beredi.

Polıpropılen jáne polıetılen eń qajetti polımerler bolyp tabylady. Olarǵa barlyq álemdik qajettiliktiń 60 paıyzy tıesili.

Mýltıplıkatıvtik áseri týraly aıtatyn bolsa, munaı-gaz-hımııaǵa salynǵan árbir dollar ekonomıkaǵa 2-3 dollar ósim beredi jáne árbir jańa jumys orny onymen baılanysty salalarda 7 jańa jumys ornyna deıin paıda bolýǵa jaǵdaı jasaıdy.