Ábý-Dabıde Lývr murajaıy salynady
ÁBÝ-DABI. 8 qańtar. QazAqparat - Ábý-Dabıdiń týrıstik damý jáne ınvestıtsııalaý jónindegi departamenti «Arabtek» kompanııasy «Ábý-Dabı Lývry» jobasynyń negizgi qurylysshysy bolatynyn málimdedi.
BAÁ-niń bılik ókilderi ámirlikte tek Dýbaı ǵana emes, eldiń basqa da óńirleriniń, ásirese el astanasy Ábý-Dabıdiń týrıstik tartymdylyǵyn damytýǵa kóńil bólýde.
Bul baǵytta mańyzdy jobalardyń biri - sáýleti kóz tartatyn Ábý-Dabı ámirliginiń Saadııat aralynda Mádenı aýdan qurý jobasy bolyp tabylady. Atap aıtqanda, 2015 jylǵa qaraı Ábý-Dabıde Lývrdyń fılıalyn, 2016 jylǵa qaraı eldiń negizin salýshysy Sheıh Zaıed atyndaǵy Ulttyq murajaı men 2017 jylǵa qaraı Solomon R. Gýggenhaımniń álemge áıgili amerıkandyq zamanaýı óner murajaıynyń fılıalyn ashý josparlanýda.
Ábý-Dabıdiń Lývry arab ámirliginde alǵashqy murajaı bolmaq, ol kelýshilerge túrli órkenıet jáne mádenıet óneriniń týyndylaryn tanystyrady. 64 myń sharshy metr aýmaqty qamtıtyn bul joba 2,4 mlrd. dollarǵa baǵalanyp otyr, olardyń 9 myń sharshy metrinde kórkem galereıa ornalasady. 180 metrlik qulpytas Abý-Dabıde boı kóteretin Lývr dızaınynyń negizgi belgisi bolmaq.
«Arabtek» kompanııasynyń ókilderi málim etkendeı, Lývrdyń qurylysy aldaǵy kúnderi bastalady. Mádenı keshen 2014 jylǵa qaraı salynyp bitedi dep josparlanýda.
