Ábý-Dabıde QHR-den keletin týrısterdiń sany artýda
ÁBÝ-DABI. 3 qyrkúıek. QazAqparat - 2013 jyldyń alǵashqy jeti aıynda Ábý-Dabıge 23618 Qytaı týrısteri keldi, bul ótken jyldyń osy kezeńimen salystyrǵanda 36 paıyzǵa artyq. BAÁ astanalyq ámirlik bıligi QHR-den keletin týrıster sanynyń ári qaraı artýyn kútedi.
Ábý-Dabıdiń týrızm jáne mádenıet jónindegi atqarýshy organy naqtylaǵan málimetteri boıynsha, QHR azamattary BAÁ astanasynyń 146 qonaq úıinen ortasha kelip turý merzimi úsh-tórt kúnge 44 094 túngi oryndy brondap qoıǵan.
Búgin Ábý-Dabıde ótken QHR týrıstik operatorlarynyń ekinshi sammıtinde sóz sóıleı kele, týrızm jáne mádenıet salasyndaǵy basqarý strategııasy jáne saıasaty jónindegi dırektor Mohammed Ál Daherı ámirliktiń týrıstik ındýstrııasy qazirgi ýaqytta Qytaıdan kelgen qonaqtardyń naqty qajettilikterine beıimdelý qajettigin jaqsy túsinetinin aıtty.
Osylaısha, jergilikti týrıstik operatorlar qytaı halqy úshin «qıyn» ýaqytta, mysaly, shyǵys kúntizbesi boıynsha Jańa jyldy merekeleý kúnderinde paıdalanýǵa joldama usynady, sondaı-aq, qytaı tilin biletin qyzmet kórsetýshilerdi kóbirek tartýǵa tyrysady.
Qytaı týrısteri Ábý-Dabıdiń «Yas Waterworld» akvaparki, ıAs jáne Saadııat araldaryndaǵy qoǵamdyq jaǵajaılar sııaqty nazar aýdararlyq oryndaryna qyzyǵady.
Ámirliktiń «Etihad» avıatasymaldaýshysy «Air Seychelles»-men alıans boıynsha Gonkongten Ábý-Dabıge apta saıyn úsh sapardy júzege asyrady. Sondaı-aq, ámirlik avıakompanııasy Beıjińnen BAÁ-ine, Shanhaıdan Chendýge qosymsha saparǵa shyǵyp, «Hainan Airlines» kompanııasymen birge qyzmet isteıdi.
VISA málimetteri boıynsha, qytaı týrısteri 2012 jyly BAÁ-ine 258 mıllıon dollar jumsaǵan, bul 2011 jylǵy shyǵyndardan 14 paıyzǵa artyq. Sheteldik týrıster shyǵyndarynyń seksen paıyzy Ábý-Dabıdiń saýda oıyn-saýyq ortalyqtaryna jumsalady.
