Qazaqstan kıik múıizin tańbalaýdyń ulttyq tsıfrlyq júıesin usyndy

ASTANA. KAZINFORM — Abý-Dabı qalasynda (BAÁ) Qazaqstan Respýblıkasynyń Ekologııa jáne tabıǵı resýrstar mınıstri Erlan Nysanbaev Búkilálemdik jabaıy tabıǵat qorynyń (WWF) ókili Daýdı Sýmbamen Qazaqstandaǵy kıik popýlıatsııasyna qatysty máseleler boıynsha kezdesý ótkizdi.

Ekologııa mınıstrligi málimetinshe, kezdesý barysynda Qazaqstandaǵy kıik popýlıatsııasynyń aǵymdaǵy jaı-kúıi, qorǵaý baǵdarlamalaryn, halyqaralyq yntymaqtastyqty qosa alǵanda, 2003 jyldan bastap júzege asyrylǵan sharalar talqylandy.

Sondaı-aq ónimdi baqylaý jáne qadaǵalaý máselelerine erekshe nazar aýdaryldy. Qazaqstandyq tarap mynalardy qamtamasyz etetin: aınalymnyń tolyq ashyqtyǵyn, naryqqa zańsyz derıvattardyń túsýine jol bermeýdi, eksport kezeńine deıin árbir danany tirkeýdi jáne qadaǵalaýdy, halyqaralyq aýdıtorlardy tartý múmkindigin, el ishinde qaıta óńdeýdi tek daıyn eksportpen damytýdy qamtamasyz etetin DataMatrix (GS1) tehnologııasyn paıdalana otyryp, kıik múıizin jáne olardyń týyndylaryn tańbalaýdyń ulttyq tsıfrlyq júıesin usyndy.

Mınıstrlik ashyq yntymaqtastyqqa daıyndyǵyn, halyqaralyq mindettemeler men bıologııalyq ártúrlilikti ornyqty saqtaýdyń jalpy maqsattaryn atap ótti.

Aıta keteıik, keıingi eki jylda Qazaqstanda qylmyskerlerden 17 myńnan astam kıik múıizi men 500 kıiktiń eti tárkilendi. Bul týraly Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń otyrysynda QR Ekologııa jáne tabıǵı resýrstar vıtse-mınıstri Nurken Shárbıev málim etti.

Ózbekstandyq delegatsııa Oraldaǵy tálimbaqta kıik ósirý tájirıbesimen tanysty.