Ábý-Dabıde Qazaqstan-BAÁ arasyndaǵy azyq-túlikti standarttaý perspektıvalary zerdelenedi
ÁBÝ-DABI. QazAqparat - Búgin Ábý-Dabı qalasynda Qazaqstan-Ámirlikter úkimetaralyq komıssııasynyń 7-shi otyrysy óziniń eki kúndik jumysyn bastady, dep habarlaıdy QazAqparat QR SІM baspasóz qyzmetine silteme jasap.
«Birlesken úkimetaralyq komıssııa kezekti plenarlyq otyrysynyń jumysy barysynda taraptar Qazaqstan men Birikken Arab Ámirlikteri arasyndaǵy ekijaqty qarym-qatynastardyń qarqyndy damýyna yqpal etetin birqatar máselelerdi talqylap, sheshýge nıetti. Atap aıtqanda, taraptar saıası, saýda-ekonomıkalyq, ınvestıtsııalyq jáne energetıkalyq salalardaǵy yntymaqtastyq máselelerin talqylaıdy. Kún tártibinde sondaı-aq kólik jáne logıstıka, ǵarysh, bilim jáne mádenıet, aýyl sharýashylyǵy salalaryndaǵy ózara is-qımyl máseleleri», delingen habarlamada.
Ábý-Dabıdegi kezdesý barysynda budan basqa azyq-túlik qaýipsizdigi, tehnıkalyq retteý jáne standarttaý salasyndaǵy ózara tıimdi yntymaqtastyqtyń perspektıvalary egjeı-tegjeıli zerdelenedi dep kútilýde.
Qazaqstan tarapynan komıssııanyń teń tóraǵasy QR Syrtqy ister mınıstri Beıbit Atamqulov, ámirlik tarapynan – Syrtqy ister jáne halyqaralyq yntymaqtastyq mınıstri sheıh Abdalla ben Zaıd Ál Nahaıan.
