Ábý-Dabıde «Islam memleketi» terrorlyq uıymyn aıyptaý úshin 52 musylman eliniń ókili bas qospaq
ÁBÝ-DABI. QazAqparat - «Islam memleketi» terrorlyq uıymyn aıyptaý úshin 52 musylman eliniń ókili aǵymdaǵy jyldyń sońynda Ábý-Dabıde kezdesedi.
Aǵymdaǵy jyldyń basynda musylman elderi Marrakesh deklaratsııasyn qabyldaǵan.
Endi BAÁ lıderleri ony dinı jáne quqyqtyq sharalarmen qatar bilim berý júıesindegi ıntegratsııa aıasynda júzege asyrýǵa qyzyǵýshylyq tanytyp otyr.
«Musylman álemi úshin kelesi qadam - Ábý-Dabıde kezdesý. Deklaratsııany jan-jaqty qarastyryp, onyń júzege asýyna alǵyshart jasaımyz», - dedi Ábý-Dabıdegi forýmnyń atqarýshy dırektory Zeshan Zafar.
Marrakesh deklaratsııasyna barsha musylman áleminiń múftıleri, dinı lıderleri men belsendileri qol qoıyp úlgerdi.
Ábý-Dabıde ótetin kezdesýdiń maqsaty musylman áleminde turatyn ózge konfessııalardyń múddelerin eskerý.
«Arab elderinde barlyǵymyz sýnnıtter men shııtterge bólinýden zardap shegemiz. Islam barlyq adamǵa jiberilgen din ekenin túsinýimiz kerek... Alla Taǵala aldynda kimdi qabyl, kimdi qabyl emes, ony sheshetin biz emespiz», - dedi Z.Zafar.
