Ábý-Dabıde eń ejelgi tabıǵı merýert kórsetiledi
ÁBÝ-DABI. QazAqparat – Abý-Dabıdiń mádenıet jáne týrızm departamentiniń arheologtary álemdegi eń ejelgi tabıǵı merýertti taýyp aldy, dep habarlaıdy QazAqparat WAM agenttigine silteme jasap.
«Ábý-Dabı marjany» degen at berilgen merýert Marava aralyndaǵy neolıt qonysynan bizdiń zamanymyzǵa deıingi 5800–5600 jyldar shamasynda paıda bolǵan qatparlardyń arasynan tabylǵan. Bul jaıt BAÁ aýmaǵynda merýerttiń 8 myń jyl buryn da qoldanylǵanyn bildiredi.
ıAǵnı, merýert neolıt kezeńinde de baǵaly áshekeı buıymdar qatarynda bolǵan.
Marava araly qundy arheologııalyq eskertkishterdiń biri sanalady.
Tarıhı turǵydan alǵanda baǵa jetpes merýert Ábý-Dabı Lývrynda 2019 jyldyń 30 qazanynan 2020 jyldyń 18 aqpanyna deıingi aralyqta ótetin «Sán-saltanattyń 10 000 jyldyǵy» kórmesinde alǵash ret jurtshylyqqa kórsetiledi.
Aıta keteıik, Ábý-Dabı marjany Sheıh Zaıd Ulttyq mýzeıi kollektsııasynda saqtalady.
