Ábý-Dabıde eń alyp velosıped qurastyryldy
Ábý-Dabı. QazAqparat - Ábý-Dabıdegi «Ál Ýahda moll» saýda ortalyǵynda onda kelýshilerdiń nazaryna alyp velosıped qoıyldy. Onyń uzyndyǵy 9, bıiktigi 5 metr, dep habarlaıdy «QazAqparat» HAA-niń menshikti tilshisi.
Úndistandyq konstrýktor Mohammad Dılıf óziniń týyndysyn «Qalada minip júrýge arnalǵan eń úlken velosıped» retinde Gınnestiń rekordtar kitabyna kirgizbekshi.
Eger onyń shyǵarǵan týyndysy Gınnes kitabyna laıyqty dep tabylatyn bolsa, bul Dılıftiń úshinshi rekordy bolmaq. Osyǵan deıin ol álemdegi eń úlken karıkatýrany salǵan bolatyn jáne 2016 jyly badmıntonǵa arnalǵan eń úlken raketkany (bıiktigi 16,89 metr) jasap shyǵardy.
«Men saýda ortalyǵynyń ókilderine velosıpedimdi qalyń kópshiliktiń nazaryna usynýǵa ruqsat etkenderi úshin razymyn. Ózimniń eńbegim arqyly men el jastarynyń salamatty ómir saltyn ustanýlaryna yqpal etemin degen oıdamyn. Bul meniń Birikken Arab Ámirlikteriniń Ulttyq kúnine arnaǵan syılyǵym. Men velosıpedtiń sol úshin de elimniń týynyń túsine sáıkes etip jasadym»,-dedi Dılıf.
