Ábý-Dabıde djıp altynshy qabattan qulap ketti
ÁBÝ-DABI. QazAqparat - Jeksenbi tańerteń «Sheıh Halıfa Enerdjı Kesheni» ǵımaratynda jazataıym oqıǵa oryn aldy.
BMV (X6 úlgisindegi) markaly jol talǵamaıtyn kólik avtoturaqtyń altynshy qabatynan qulady. Aldyn ala derekter boıynsha, rýlde 54 jastaǵy áıel bolǵan, ol oqıǵa ornynda jan tapsyrdy.
Ábý-Dabı polıtsııasynyń habarlaýynsha, djıp artqa qaraı qozǵalǵan kezde qorshaýdan shyǵyp ketken. Polıtsııa bóliminiń bastyǵy general-maıor Saıd Al Dahırı keleńsiz habar jaıly dabyl tańerteń 8-de kelip túskenin málimdedi. Oqıǵa ornyna kezekshi patrýlder, «jedel járdem» kóligi, arnaıy maqsattaǵy polıtsııa toby jetti.
Muny kórgen keıbir adamdar fotony áleýmettik jelilerge taratyp jibergen. Osyǵan oraı polıtsııa Internetke foto ornalastyrar kezde saqtyq saqtaýǵa shaqyrdy, sebebi mundaı áreket ámirlik zańyna qaıshy.
