Ábý-Dabıde dástúrli túıeler festıvali ashyldy
ASTANA. Aqpannyń 2-si. QazAqparat - Birikken Arab Ámirliginde, Ábý-Dabıge jaqyn jerde ashylǵan dástúrli túıeler festıvaline Parsy shyǵanaǵyndaǵy barlyq elderden 28 myńnan astam oısylqara tuqymdary qatysýda,
dep habarlaıdy ITAR-TASS agenttigi.
Túıe arab elderindegi eń qadirli janýarlardyń biri. Jahandyq daǵdarysqa qaramastan festıvaldiń júldelik qory qomaqty - 42 mıllıon dırham (11 mıllıonnan astam dollar). Festıval aıasynda túıe jarystary ótedi, olardyń jeńimpazdary 1 mıllıon dırham júldege qosa «Nıssan-Safarı» qymbat kólikterine ıe bolady.
Festıval aıasynda sondaı-aq «sulýlyq» konkýrsy, oısylqaranyń sulýlyǵyn jyrlaǵan úzdik óleńderdiń konkýrsy, t.b. is-sharalar uıymdastyrylady.
«Bádáýıler merekesiniń» aıasynda aýktsıon ótip, onda konkýrs jeńimpazdary mıllıondaǵan dollarǵa satylýǵa shyǵarylady.
Arab tilinde «túıe» men «sulýlyq» sózderi bir túbirden taraıdy. «Jamal» sóziniń birinshi býynyna ekpin tússe, ol «túıe» sózi de, ekpin ekinshi býynǵa tússe «sulýlyq» sózi bolady.
