Ábý-Dabı týrnırinde Rybakına men Pýtıntseva baq synaıdy

ASTANA. KAZINFORM – Qazaqstandyq tennısshiler Elena Rybakına men ıÝlııa Pýtıntseva 3-8 aqpan aralyǵynda ótetin Ábý-Dabı (BAÁ) WTA 500 týrnırinde óner kórsetedi.

Ótken jyly osy jarysta jeńimpaz atanǵan, álemdik reıtıngide 5-orynda turǵan Elena Rybakına Ábý-Dabıde 1-raketka bolyp tirkelgen.

Ótken jylǵy chempıondyq ataǵy men 500 upaıyn qorǵaıtyn qazaqstandyq tennısshi ekinshi aınalymda álemniń 62-raketkasy, amerıkalyq Ketı Volynets nemese reıtıngide 90-satydaǵy ulybrıtanııalyq Sonaı Kartaldyń qaı jeńgenimen kezdesedi.

Álemniń 20-synshy, osy dodanyń 4-raketkasy ıÝlııa Pýtıntseva da ekinshi aınalymnan bastaıdy. Onyń qarsylasy álemniń 36-raketkasy, 2023 jylǵy Ýımbldon chempıony, chehııalyq Marketa Vondroýshova nemese reıtıngide 56-oryndaǵy ulybrıtanııalyq, 2021 jyly AQSh birinshiliginde úzdik shyqqan Emma Radýkanýdyń bireýi bolady.

Júlde qory 1 mln AQSh dollaryna baǵalanǵan Ábý-Dabıge arnaıy shaqyrtý alǵan E.Radýkaný burynǵy jaraqattary mazalamaıtynyn, dodaǵa daıyn ekendigin málimdedi.

Eske sala keteıik, budan buryn tennısten Devıs kýbogynda Qazaqstannyń Pákistan quramasyn utqanyn jazǵan edik.

Tennısshi Aleksandr Nedovesov ulttyq quramadaǵy mansabyn aıaqtady.