Ábý-Dabı polıtsııasy nómirlik belgileri búlingen júzden astam avtomobıldi ustady
ÁBÝ-DABI. 6 tamyz. QazAqparat - 2012 jyldyń birinshi jartyjyldyǵynda Birikken Arab Ámirlikteriniń astanasy - Ábý-Dabı qalasynyń jol polıtseıleri nómirlik belgilerin qasaqana búldirgen 104 avtomobıldiń júrgizýshisin ustady.
Ábý-Dabı qalasyndaǵy jol qozǵalysy jáne patrýldeý departamentiniń dırektory Hýsseın Ál Harıtı ózderiniń nómirlik belgilerin BAÁ-degi joldarda jyldamdyqty baqylaý taspalary men radarlardyń belgilenýinen qutylý maqsatynda Parsy shyǵanaǵynyń basqa elderinen kelgen avtomobılshiler búldiretinin málimdedi.
"Polıtsııa qyzmetkerleriniń jyldam áreket etýiniń arqasynda atalǵan avtomobılderdi jedel ustaý múmkin boldy. Júrgizýshiler ustalyp, olarǵa aıyppul salyndy», - dep atap ótti H.Ál Harıtı.
Jol polıtsııasynyń ókili Ábý-Dabı polıtseıleriniń nómirlik belgilerdi búldiretin júrgizýshilerdi ustaýdy jalǵastaratynyn jáne olardyń qatysýymen bolatyn talqylaýlar tıisti sot organdaryna jiberiletinin qosyp ótti.
Radarlardan «jasyryný» maqsatymen júrgizýshiler nómirlerdi ózgertý úshin lentalardy jabystyrady, metall tilimshelerin maıystyryp, balshyq jaǵady jáne belgilerdi órteýge deıin barady. BAÁ-niń polıtsııa qyzmetkerleri osyndaı ádisterdiń olar úshin jol-kólik oqıǵalaryna qatysqan avtomobılderdi anyqtaýda qıyndyq týdyrady dep esepteıdi.
