«Ábý-Dabı Plazanyń» qurylysy ýaqytsha toqtatylatyny týraly aqparat jalǵan
ASTANA. QazAqparat - Astanada salynyp jatqan «Ábý-Dabı Plaza» kesheniniń qurylysy ýaqytsha toqtatylatyny týraly aqparat jalǵan. Bul týraly Elorda Info habarlady.
«ALDAR EVROAZIıA» JShS-nyń málimetinshe, «Ábý-Dabı Plaza» kesheniniń qurylysy 2009 jyly Qazaqstan Úkimeti men Birikken Arab Ámirlikteriniń Úkimeti arasyndaǵy kelisimde kórsetilgen kestege sáıkes júzege asyrylýda.
Merdiger kompanııa saýda oryndary men qonaqúılerdi bekitilgen kestege saı 2019 jyly aıaqtaýdy josparlap otyr.
Al keshenniń eń bıik ǵımaratyn 2020 jyldyń sońyna deıin aıaqtaý kózdelgen.
«R blogy - búkil keshenniń eń bıik ǵımaraty, onyń qurylysyna kóp ýaqyt qajet», - delingen kompanııanyń resmı aqparatynda.
