«Ábý-Dabı Plazadaǵy» janjaldy mas úndistandyq shyǵardy-ІІM
ASTANA. QazAqparat - Elordada salynyp jatqan «Ábý-Dabı Plazadaǵy» janjaldy mas úndistandyq shyǵardy. Bul jaıynda QR Іshki ister mınıstrligi Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Qurylys jumystary júrip jatqan «Ábý-Dabı Plaza» kesheni aýmaǵynda, saǵat 20-35-te Úndistannan kelgen jumysshylar men qazaqtar arasynda shaǵyn janjal shyqty. Janjal Úndistannan kelgen mas jumysshyny kúzetshi nysan aýmaǵyna kirgizýden bas tartqannan keıin týyndaǵan. Osydan keıin ol otandastaryn shaqyryp, olar kúzetshini soqqyǵa jyqqan. Jergilikti jumysshylar kúzetshige bolysyp, sonyń saldarynan tóbeles týyndap, oǵan shamamen 30 adam qatysqan. Oqıǵa ornyna Úndistannyń Qazaqstandaǵy elshisi, jergilikti bılik jáne kompanııa ókilderi», - keldi dedi Almas Sadýbaev QazAqparat tilshisine.
Onyń aıtýynsha, ishki ister organdary odan ary tártipsizdikterge jol bermeý jáne ahýaldy turaqtandyrýǵa baǵyttalǵan keshendi sharalar júrgizgen.
«Qala turǵyndaryn arandatýshylyqqa boı aldyrmaýǵa, oılanbastan shalt qımyldarǵa barmaýǵa, naqty emes aqparattar men san túrli alyp-qashpa áńgimelerge senbeýge shaqyramyz. Jaǵdaı tolyqtaı sheshildi jáne polıtsııanyń baqylaýynda», - dedi departament basshysy.
