Ábý Dabı Plaza nysanynyń jataqhanasynan órt shyqty
ASTANA. QazAqparat - Salynyp jatqan Ábý Dabı Plaza jataqhanasynyń asúıinen órt shyqty, dep habarlaıdy «QazAqparat» HAA tilshisi.
QR ІІM TJK resmı ókili Rýslan Imanqulov QazAqparat tilshisine habarlaǵandaı, asúı aýmaǵynda jabdyqtar, turmystyq tehnıka men jıhazdar órtengen.
«Órttiń sharpyǵan aýmaǵy 50 tekshe metrdi quraıdy. Órt sóndirý qyzmetine saǵat 14.39-da habar túsken, 14.43-te bizdiń jasaq oqıǵa ornyna jetip, 15.01-de jalyndy aýyzdyqtady. Tilsiz jaýdy joıýǵa úsh tehnıka, №16 mamandandyrylǵan órt sóndirý qyzmetiniń jeke quramynan 15 adam tartyldy», - dedi ol.
Imanqulovtyń aıtýynsha, qazirgi tańda órttiń taralý qaýpi joq.
