«Ábý Dabı Plaza» qurylysshylaryna etnıkaaralyq jáne dinaralyq kelisimniń mańyzdylyǵy túsindirildi
ASTANA. QazAqparat - Astanada alǵash ret aqparattyq-túsindirý jumystaryn 4 tilde júrgizý tájirıbesi qoldanyldy, dep habarlaıdy elordalyq ákimdiktiń resmı saıty.
«Ábý Dabı Plaza» alańynyń qazaqstandyq jáne sheteldik áriptesteri kezdesken jıyn barysynda etnıkaaralyq jáne dinaralyq kelisimniń mańyzdylyǵy jaıly tórt tilde (qazaq, orys, aǵylshyn jáne arab) aıtyldy.
Kelissózderdi júrgizýshilerge «Dinı qyzmet pen dinı birlestikter týraly» Zańnyń normalary túsindirildi. Kooperatıvterdiń, mádenı ortalyqtardyń,sporttyq klýbtardyń qyzmetkerlerine arnalǵan keńes berý sharalary 2018 jyldyń 4-14 maýsymy aralyǵynda qurylys alańdarynda, bazarlar men saýda ortalyqtarynda ótedi.
Din salasynda memlekettik saıasatty túsindirýge qatysty keshendi jumysty Astana qalasynyń ákimdigi 2018-2022 jylǵa arnalǵan Qazaqstan Respýblıkasynda dinı ekstremızm men terrorızm qarsy is-qımyl memlekettik baǵdarlamasyn iske asyrý maqsatynda júrgizedi.
Respýblıkalyq jáne astanalyq jumys toptary basqarýdyń zaıyrly júıesi, qazaqstandyq halyqtyń adamgershilik jáne rýhanı qundylyqtary, ekstremıstik qyzmettiń aldyn alý sharalary, ıslamdy jamylatyn dinı ekstremıstik uıymdar týraly tolyqqandy aqparat beredi.
