Ábý-Dabı eksklıýzıvti shokoladyn tanystyrdy
ASTANA. KAZINFORM — Ábý-Dabıde eksklıýzıvti shokolad tanystyryldy. Bul – byltyr Dýbaıda jasalyp, álemdik hıtke aınalǵan deserttiń úlgisimen jasalǵan jańa ónim.
Ataqty kondıter Nouel Catis daıyndaǵan shokolad Birikken Arab Ámirlikteriniń astanasy — Ábý-Dabıdiń qurmetine atalǵan.
Dýbaı shokoladtarynan shabyt alyp, keıin shef-kondıter óz mansabynyń mańyzdy kezeńi bastalǵan qala — Ábý-Dabıge qaıta oralýdy jón kóripti.
Onyń aıtýynsha, ol bul qalada jeti-segiz jyl ómir súrgen jáne ony áldeqashan óziniń ekinshi úıi retinde qabyldaıdy.
Time Out Abu Dhabi jazǵandaı, shokoladtyń dámi pahlava men tuzdalǵan karameldiń úılesimin beredi, al bir danasynyń baǵasy – 105 dırham.
Deserttiń quramy úsh negizgi ıngredıentke negizdelgen:
Shafran men kardamon — óńirde keń qoldanylatyn hosh ıisti dámdeýishter;
Tahına men qurma — jergilikti gastronomııalyq dástúrlerden tamyr tartatyn ıngredıentter;
Nostalgııalyq qytyrlaq — erekshe pishin úshin usaqtalǵan pechene.
Barlyq qospa qalyń tuzdy karamel qabatymen qaptalyp, ústine 24 karattyq altyn úlpekteri sebilgen.
Aıta keteıik, buǵan deıin «Dýbaı shokoladyn» satamyn dep jurtty aldaǵan astanalyq 3 jylǵa sottalyp ketkenin jazǵan edik.