Ábý-Dabı qalasynda Izraıl elshiligi ashyldy

ÁBÝ-DABI. QazAqparat – Birikken Arab Ámirlikteriniń astanasynda Izraıl elshiligi ashyldy. Bul - ótken jyly elder arasyndaǵy qarym-qatynasty tolyq qalpyna keltirý týraly kelisimniń nátıjesi, dep habarlaıdy QazAqparat.

24 qańtarda Abý-Dabıde Izraıl elshiligi BAÁ-ge dıplomatııalyq mıssııanyń basshysy Eıtan Naeniń kelýimen qatar ashyldy, dep habarlady Izraıl Syrtqy ister mınıstrligi.

Málimdemede atap kórsetilgendeı, «Izraıldiń Birikken Arab Ámirlikterindegi elshiligi elder arasyndaǵy baılanystyń damýyna yqpal etedi».

Eıtan Nae – Izraıldiń Túrkııadaǵy burynǵy elshisi, BAÁ-de ol ýaqytsha senimdi ýákil mártebesine ıe bolady.

Sondaı-aq 24 qańtarda Ámirlikterdiń bıligi Tel-Avıvte elshilik ashýǵa ruqsat bergen bolatyn.

Bir apta buryn Izraıl premer-mınıstri Bınıamın Natanıahýdyń aqpan aıynda Birikken Arab Ámirlikterine baratyny belgili boldy.

Izraıl úkimeti basshysynyń sapary elder arasyndaǵy qatynastardy qalypqa keltirý týraly kelisimderge qol qoıylǵannan keıingi alǵashqy sapar bolmaq.