Ábý Dabı erkin ekonomıkalyq aımaǵynyń AHQO-men birlesken jobalary talqylandy

ÁBÝ-DABI. QazAqparat - Memleket basshysy «Abu Dhabi Global Market» erkin ekonomıkalyq aımaǵy Dırektorlar keńesiniń tóraǵasymen kezdesti, dep habarlaıdy Aqorda.

Qazaqstan Prezıdenti «Abu Dhabi Global Market» (ADGM) erkin ekonomıkalyq aımaǵy Dırektorlar keńesiniń tóraǵasy, Memlekettik mınıstr Ahmed Álı Ál Saııhpen kezdesý ótkizdi.

Kezdesýde taraptar Abý Dabı erkin ekonomıkalyq aımaǵynyń «Astana» halyqaralyq qarjy ortalyǵymen birlesken jobalarynyń júzege asyrylýy jaıynda áńgimelesti. Ahmed Álı Ál Saııhtyń aıtýynsha, ózara yntymaqtastyqty damytý jóninde naqty josparlar bar.

Memleket basshysy «Abu Dhabi Global Market» erkin ekonomıkalyq aımaǵynyń elimizde atqaryp jatqan jumysyna rızashylyq bildirip, qarjy naryǵyn retteý salasyndaǵy yqpaldastyqty nyǵaıtýǵa nıetti ekenin atap ótti.