Abramovıchtiń ulynyń kompanııasy Sibirden munaı kenishin tapty
ASTANA. QazAqparat - Hanty-Mansı avtonomııalyq okrýginde Batys Koltogor munaı kenishi ashyldy, ondaǵy munaı qory 15 mln. tonnany quraıdy. Bul týraly RF tabıǵı resýrsar jáne ekologııa mınıstrligi jarııalaǵan habarlamasyna aıtylǵan. Onda kenishti «reseılik munaı kompanııalary» ashty delingen, biraq ta ataýy aıtylmaǵan, dep habarlady RBK.
Tabıǵı resýrstar jáne ekologııa mınıstrligi qoǵamdyq keńesiniń baspasóz qyzmeti kenishti «Sibir geologııalyq kompanııasy» JAQ ashqanyn habarlaǵan, ol Zoltav Resource kompanııasynyń ıeliginde. Oǵan Arkadıı Abramovıchtiń (reseılik mıllıarder Roman Abramovıchtiń uly) ARA Capital Limited kompanııasy baqylaý jasaıdy.
Batys Koltogor kenishi Zoltav Resources kompanııasynyń Batys Sibirdegi alǵashqy aktıvi emes. 2013 jyly kompanııa Hanty-Mansı avtonomııalyq okrýgindegi Koltogor kenishteri toptaryn satyp alǵany belgili boldy.
Tabıǵı resýrstar jáne ekologııa mınıstrliginiń baspasóz qyzmeti Batys Koltogor kenishi Koltogor aımaǵynda ashylǵanyn túsindirdi, alaıda onyń Koltogor kenishteri tobyna kiretini nemese kirmeıtini belgisiz. Bul toptyń qory 73,5 mlrn. barrel shıkizatty quraıdy. Ótken jylǵy kóktemdegi mámileniń quny 26 mln. dollar boldy. Sonymen birge, Zoltav Resources oǵan taǵy 26 mln. dollar ınvestıtsııa quıatynyn málimdedi.
2013 jyldyń kúzinde Zoltav Resources Vostok Energy enshiles kompanııasy arqyly brıtandyq Royal Atlantic Energy kompanııasyn satyp aldy. Ol Saratov oblysyndaǵy Bort munaı ýchaskesin ıelený quqyna ıe. Mámile somasy 180 mln. dollar boldy.
