Abramovıch «Chelsıdi» satylymǵa shyǵarmaq
NUR-SULTAN. QazAqparat - Roman Abramovıch aǵylshyn Premer-lıgasynda óner kórsetetin «Chelsı» fýtbol klýbyn satýǵa daıyn. Bul týraly QazAqparat The Telegraph basylymyna silteme jasaı otyryp habarlaıdy.
Klýb ıesi Reseı men Ýkraına arasyndaǵy shıeleniske baılanysty Ulybrıtanııa bıligi engizgen sanktsııalardyń kesirinen komandadan bas tartýǵa májbúr.
Derekkózderdiń málimeti boıynsha, reseılik bıznesmen aǵylshyn klýbyn 4 mıllıard fýnt sterlıngke (shamamen 5,3 mlrd AQSh dollary) baǵalap otyr. Buǵan deıin Abramovıchke «Chelsıdi» satýǵa qatysty úsh márte usynys túskeni habarlanady. Alaıda, múddeli taraptardyń klýb úshin 2 mıllıard fýnt sterlıngten artyq tólegileri kelmeıtin kórinedi.
Aıta keteıik, Roman Abramovıch «Chelsıdi» 2003 jyly 140 mıllıon fýnt sterlıngke satyp alǵan.
