Ábilhaıyr Tamabek: Tehnıka óndirýshiler men ımporttaýshy kompanııalardyń baǵa saıasatyn tekserý kerek

Aýyl sharýashylyǵy vıtse-mınıstri Ábilhaıyr Tamabek Básekelestik qorǵaý jáne damytý agenttigine aýyl sharýashylyǵy tehnıkasyn óndirýshiler men ımporttaýshy kompanııalardyń baǵa saıasatyn tekserý qajet ekenin aıtty, dep habarlaıdy QazAqparat tilshisi. 

Májiliste depýtattar men salaǵa jaýapty memlekettik organdardyń, agrarlyq sala ókilderiniń qatysýymen aýyl sharýashylyǵy tehnıkasynyń parki jańartý máselesi talqylandy. Іs-iaradan keıin BAQ ókilderiniń suraǵyna jaýap bergen vıtse-mınıstr Ábilhaıyr Tamabek 2 jylda tehnıka baǵasynyń 2,5 esege deıin ósýine alańdap otyrǵanyn málim etti.

«Básekelestikti qorǵaý agentnigi arqyly naqty otandyq óndirýshilerdiń jáne ımporttaýshylardyń baǵa saıasatyna tekseris júrgizý kerek. Sebebi 2 jylda 2-2,5 ese ósip ketý degen óte kúrdeli másele. Demek, memleket tarapynan baqylaý joq shyǵar», - dedi vıtse-mınıstr.

Onyń aıtýynsha, agenttikke mundaı bastamany depýtattar usynbaqshy.

«Depýtattar usynys beremiz dedi ǵoı. Osy komıtet otyrysynyń qorytyndysy boıynsha usynystardy engizemiz. Ol usynystardy ári qaraı Básekelestik qorǵaý agenttine jiberedi. Sol boıynsha egenttik tıisti sharalar qabyldaý kerek», - dedi Ábilhaıyr Tamabek.