Ábilhaıyr Tamabek QR aýyl sharýashylyǵy vıtse-mınıstri qyzmetinen bosatyldy
ASTANA. KAZINFORM - Qazaqstan Respýblıkasy Úkimetiniń qaýlysymen Tamabek Ábilhaıyr Ǵalymuly basqa jumysqa aýysýyna baılanysty aýyl sharýashylyǵy vıtse-mınıstri qyzmetinen bosatyldy.
Bul týraly QR Premer-Mınıstriniń baspasóz qyzmeti habarlaıdy.
Ábilhaıyr Tamabek Jambyl oblysynda dúnıege kelgen. Halyqaralyq bıznes ýnıversıtetin, Lýıs ulttyq ýnıversıtetin jáne QR Prezıdenti janyndaǵy Memlekettik basqarý akademııasyn bitirgen. Prezıdenttik Jastar kadrlyq rezerviniń múshesi.
Eńbek jolyn 2011 jyly jeke kompanııada kadrlar bóliminiń ınspektory bolyp bastaǵan.
2015-2020 jyldary Ulttyq ekonomıka mınıstrliginde, Qorǵanys jáne aeroǵarysh ónerkásibi mınıstrliginde, Tsıfrlyq damý, ınnovatsııalar jáne aeroǵarysh ónerkásibi mınıstrliginde túrli laýazymdarda jumys istedi.
2020-2022 jyldary – Jambyl oblysy ákimdiginiń Jerdiń paıdalanylýy men qorǵalýyn baqylaý basqarmasynyń basshysy, bas memlekettik ınspektory.
2022 jyly --- Jer resýrstaryn basqarý departamentiniń Jambyl oblysy boıynsha basshysy -- jerdi paıdalaný jáne qorǵaý jónindegi bas memlekettik ınspektory.
2022 jyldyń sáýirinen bastap qazirgi ýaqytqa deıin --- QR aýyl sharýashylyǵy vıtse-mınıstri.
