Ábilhan Qasteev atyndaǵy óner jáne dızaın mektebiniń 45 jyldyǵyna arnalǵan kórme ashyldy
ASTANA. KAZINFORM — Ulttyq ortalyq mýzeıinde Ábilhan Qasteev atyndaǵy óner jáne dızaın mektebiniń – ıÝNESKO-nyń tuńǵysh klýbynyń 45 jyldyǵyna arnalǵan kórme ashyldy. Bul týraly Mádenıet jáne aqparat mınıstrligi habarlady.
Kórmege «Meniń shyǵarmashylyq buryshym» sýret baıqaýyna qatysqan avtorlar men mektep oqýshylarynyń jumystary qoıyldy. Baıqaýǵa Qazaqstannyń ár óńirinen túrli jastaǵy 200-den astam adam qatysty. Olardyń arasynan 44 qatysýshy óz atalymdary boıynsha I, II jáne III oryndardy ıelendi.
45 jyl ishinde mektep talaı daryndy balalardyń ónerge jolyn ashqan irgeli bilim ordasyna aınaldy. Mekteptiń túlekteri búginde Qazaqstannyń ǵana emes, Ulybrıtanııa, Qytaı, Kanada, AQSh, Japonııa, Reseı, Chehııa jáne basqa da elderdiń óner kolledjderi men joǵary oqý oryndarynda óz bilimin jalǵastyryp júr.
Ábilhan Qasteev atyndaǵy Ulttyq óner mýzeıinde ótken «Mýzeı túni» aktsııasyna 15 myńnan astam adam qatysqanyn jazǵan edik.
