Abıtýrıenttiń UBT kezinde ereje buzǵany kameraǵa túsip qalsa, ol grantynan aıyrylady

NUR-SULTAN. QazAqparat – UBT tapsyrý barysynda zańbuzýshylyqqa jol bergen talapkerdiń granty joıylady. Muny Ǵylym jáne joǵary bilim mınıstrliginiń joǵary jáne joǵary oqý ornynan keıingi bilim departamenti dırektorynyń orynbasary Erjan Ámirbekuly aıtty, dep habarlaıdy QazAqparat tilshisi.

«Sońǵy kezderi ulttyq biryńǵaı testileýdiń ashyqtyǵyn qamtamasyz etý maqsatynda úlken sharýa atqaryldy. Talapker grant alǵanǵa deıin jáne grant ıegeri atanyp qoıǵan jaǵdaıda da beınakamer jazbalary jeltoqsan aıyna deıin tekserile beredi. Tıisinshe, grant ıegerleri UBT tapsyrý kezinde zańbuzýshylyqtarǵa jol bergen bolsa, onda olardyń granty joıylady», - dedi Erjan Ámirbekuly.

Eske sala keteıik, buǵan deıin UBT-dan shekti ball jınaı almaǵan talapkerler joǵary oqý oryndaryna shartty negizde túse alatynyn habarlaǵan bolatynbyz.