Ábishev: «Qazgıdromet» pen Sý resýrstary komıteti bir júıede bolýy kerek
ASTANA. QazAqparat - QR AShM Sý resýrstary komıtetiniń tóraǵasy Islam Ábishev elimizde sý salasyndaǵy negizgi problemalardy atady, dep habarlaıdy QazAqparat.
«Sý kóp bolsa, qaýip tónedi, al sý tapshylyǵy oryn alsa, onda qater kúsheıe túsedi. ıAǵnı, osy eki aralyqta bir ortany ustap turý qajet. Bul salada birinshi kezekte dáıekti boljam kerek. Gıdromet komıtettiń (Sý resýrstary komıteti) quramynda bolýy tıis. Atap aıtqanda, «Qazgıdromet» jumysynyń 80 paıyzy ylǵalǵa, jaýyn-shashynǵa, qardyń túsýine baılanysty. Sý resýrstary komıteti kópshilik jaǵdaıda qardyń, sýdyń mólsheri jáne oǵan qatysty basqa da málimetterdi bilmeı jatady. Bir sózben aıtqanda organdar arasynda naqty ózara is-qımyl bolmaı tur», - dedi Ábishev Májilistegi «Halyq kommýnısteri» depýtattyq fraktsııanyń «Qazaqstannyń sý qorlaryn turaqty basqarýdyń sharalary» taqyrybyndaǵy ashyq otyrysynda.
Osy oraıda ol «Qazgıdromet» tolyq qarjylandyrylmaı otyrǵanyn atap ótti. Olarda kóptegen qurylǵylar men nysandar bolýy tıis, alaıda tıisti deńgeıde jabdyqtalmaǵan.
«Buryndary osynyń barlyǵy bir júıede qamtylǵan edi. Ekinshiden, bógetterdiń belgili bir bóligi QR ІІM Tótenshe jaǵdaılar komıtetiniń qaramaǵynda. TJK mamandary bizge «sýdy jiberińder» deıdi, al biz óz kezegimizde sýdy jibermeıtindigimizdi aıtamyz, sebebi jazda sý tapshylyǵynan qýańshylyq bolady. Sondyqtan osynyń barlyǵyn olarǵa nemese bizge berý kerek. Atap aıtqanda, basynan aıaǵyna deıin bireýimiz ǵana jaýapty bolýymyz qajet. Al bizde barlyǵy jartylaı quzyrettilikpen shektelgen» ,- dep túıdi sózin Komıtet basshysy.
