Ábish Kekilbaıulynyń zaıyby Klara Jumabaıqyzy ómirden ótti
«Ábish aǵa men Klara apaı bir klasta oqyǵan... Bu kisiler – bala mahabbaty ómirlik súıispenshilikke ulasqan jandar. Klara apaı Aqtóbedegi medıtsına ınstıtýtyn tańdaıdy. Ábish aǵamyz bolsa-bolmasa Almatyda. Eki arany ǵashyqtar haty jalǵap turdy. Sondaı bir hat qanaty talǵansha ushyp, Alataýdyń baýraıyna asyǵyp, shuǵyl jetse kerek. Hat ıesi oqýynyń aıaqtalǵanyn, komsomoldyń joldamasymen Balqashqa júrgeli otyrǵanyn aıta kelip «Sen endi ne etpeksiń?» dep túıindeıdi ǵoı.
Ábish aǵa salyp-uryp ustazy Zeınolla Qabdolovtyń aldyna baryp, «Maǵan Aqtóbege barýǵa bir bılet, qaıtýǵa – eki bılet kerek» deıdi. Qabdolov aǵa-dos Ábdijámil Nurpeıisovpen jalǵasady.
Sóıtip aǵalardyń qamqorlyǵymen shuǵyl «Balqash operatsııasynyń» aldyn oraǵan Ábish aǵa men Klara apaı Aqtóbede nekelesip, Almatyǵa erli-zaıypty Kekilbaevtar bolyp oralady. Sóıtip... sháı despeı 51 jyl 8 aı birge ǵumyr keshipti. Ul súıdi, qyz ósirdi, nemere men shóbereniń de jupar ısine meıir qandyrdy.
Sóıtken Klara apaıymyzdyń da tynysy toqtapty. Tirisinde Ábishteı jaqsyǵa adal serik, dos-jarǵa juǵymdy báıbishe, ul-qyzǵa meıirimdi ana, nemere men shóberege áz áje bola alǵan Klara Jumabaıqyzynyń rýhy peıishte shalqysyn. Artynda qalǵan bala-shaǵasyna, týys-týǵandaryna qaıǵyryp kóńil aıtamyz» dep jazady adebiportal.kz.
Esteliktiń tolyq nusqasyn ádebı resýrstan oqýǵa bolady.
