Ábilıazovtiń óz isine ókingen sybaılasy eýropalyq depýtattarǵa júgindi

Ábilıazov isiniń fıgýranty Eýropa keńesi Parlamenttik assambleıasynyń prezıdenti P. Agramýnt jáne osy uıymnyń bas hatshysy V. Savıtskııge arnalǵan ashyq hat jarııalady.

Jarymbetovtiń aıtýynsha, onyń Qazaqstanǵa óz erkimen oralýy jáne «BTA Bankten» aqsha urlaý týraly is boıynsha sot protsesine qatysýy eýropalyq BAQ-ta burmalanyp jarııalanyp, bedeli, quqyǵy men erkindigin nuqsan keltirýde.

«Ashyq dıalog» polshalyq fýndatsııasy Muhtar Ábilıazovtyń usynýymen taldaý materıaldar serııasyn jarııalady, onda meniń Qazaqstanǵa kelýimdi «urlyq» dep ataǵan».

«Meni eshkim urlamaǵanyn ashyq aıttym jáne qaıtalap aıtamyn. Qazaqstanǵa eshkimniń qysym kórsetýimen emes, óz erkimmen keldim. Ulybrıtanııanyń maǵan bergen saıası bosqyn mártebesin paıdalanýyma bolýshy edi, biraq men ádeıi olaı jasamadym», - delingen hatta.

Jarymbetovtiń jubaıynyń urlanýy týraly málimdeme jasaýyna Ábilıazov pen «Ashyq dıalogtyń» basshysy Lıýdmıla Kozlova májbúrlegen.
«Olar jubaıymdy meniń aınalamda týyndaǵan másele men onyń jaǵdaıyn paıdalanyp, meniń urlanǵanym týraly hatqa qol qoıýyna kóndirgen», - dedi «BTA Bank» tóraǵasynyń burynǵy orynbasary.

Bul rette, Jarymbetov «Ashyq dıalog» áli de onyń urlanǵany týraly materıaldar jarııalaýdy jalǵastyrýda. Osyǵan baılanysty sottalýshy Parlament assambleıasynyń depýtattaryn osy iske aralasýyn suraıdy.

«Ashyq dıalogqa» jalǵan, dáıeksiz, tekserilmegen faktilerdi paıdalanýyna jol bermeýge, ósek-jaladan quralǵan derekterdi teriske shyǵarýǵa májbúrleýge, óz áreketterin túsindirýge nazar aýdarýdy suraımyn», - dep jazdy Jaqsylyq Jarymbetov.

Ol uıym qyzmetkerlerimen jeke kezdesýge múmkindigi bolmaǵandyqtan ashyq hatpen júgingenin atap ótti.

«Meniń aınalamdaǵy jaǵdaıǵa qatysty óz ustanymymdy túsindirý jáne adal atymdy qalpyna keltirý úshin tikeleı ótinishimdi qaraýyńyzdy shyn kóńilimmen ótinip suraımyn», - dep sózin túıindedi Jarymbetov.