Ábilıazov izin jasyrý úshin qyzmetkerlerin kúshtep elden ketirmek bolǵan
ALMATY. QazAqparat - Almatyda Qylmystyq ister jónindegi mamandandyrylǵan aýdanaralyq sotynda BTA bank qarjysyn jymqyrý isine qatysty búgingi sot otyrysynda kýágerler jaýap berdi, dep habarlaıdy QazAqparat tilshisi.
Sotta sóz alǵan Muhtar Ábilıazovtiń senimdi ókili Raýshan Qyzdarbekova ózin qalaı urlaǵany týraly aıtyp berdi.
«BTA bankinde men Muhtar Ábilıazovpen tikeleı jumys istedim. 2007 jyly meni Qarjy polıtsııasyna shaqyrtqannan keıin men BTA bankinde qujattarǵa qol qoıýdan bas tarttym. Alaıda, Ábilıazev qarjy polıtsııasymen barlyq máseleni ózi sheshetinin aıtyp, ýáde berdi. Ábilıazev maǵan endi tergeýge barmaý qajettigin aıtty. Sosyn men olardan advokat suradym. Olar advokat men úshin qymbat ekenin aıtty. Sosyn men óz advokatymmen Qarjy polıtsııasyna bardym», - dedi kýáger.
Raýshan Qyzdarbekova osy áńgimeden keıin Ábilıazovpen arada eshqandaı qarym-qatynas bolmaǵanyn jetkizdi.
«2009 jyly naýryz aıynda maǵan elden ketip qalýǵa usynys jasady. Men ketkem joq. Meni elden alyp shyqqylary keldi. Ol Ábilıazovtiń tapsyrmasymen jasaldy. Sol kezde men aýrýhanadan shyqqan edim. Onyma qaraǵan joq, maǵan jigitter kelip, kólikterine otyrǵyzyp alyp ketti. Bul Ábilıazevtiń adamdary bolýy kerek. Olar meni Qyrǵyzstan shekarasy arqyly alyp ketkisi keldi. Biraq, tyıym bolǵandyqtan olar meni ótkize almady da Ózbekstan shekarasy arqyly ótkizgileri keldi. Ol jaqta da jol jabyq boldy», - dedi ol.
Buǵan deıin Raýshan Qyzdarbekovanyń BTA bank qarjylaryn jymqyrýǵa qatysqany habarlanǵan bolatyn. Atap aıtqanda, «Sırııa-Alıans» ofshorlyq kompanııasyn zańsyz neıseleý isine onyń qatystylyǵy bar. Bank bólgen qarjyǵa kompanııa «Avıakompanııa Ekselent glaıd» AQ men lızıng boıynsha shart jasasa otyryp, quny 54,6 mln AQSh dollary turatyn úsh ushaq satyp alǵan.
Bul is boıynsha qarjylandyrý jáne atalǵan áýe kompanııasynyń sharýashylyq jumystaryn Ábilıazov ózi qadaǵalap otyrǵan.
Sodan keıin, «Ekselent glaıd» áýe kompanııasymen bank úshin tıimsiz kelisimshart jasalyp, bank qyzmetkerlerin tasymaldaý jáne aqyly qyzmet kórsetý sharalary uıymdastyrylǵan.
Kelisimshart boıynsha áýe kompanııasynyń esep shotyna 2007 jyly 922 mln teńge, 2008 jyly 1 mrld teńgege jýyq qarjy aýdarylǵan.
