Ábilıazov bıznes-seriktesiniń burynǵy áıeliniń izine túsý kezinde ustaldy
ASTANA. 2 tamyz. QazAqparat - BTA bankiniń 6 mıllıard dollaryn jymqyrdy dep aıyp taǵylyp, jasyrynyp júrgen qarjy mekemesiniń dırektorlar keńesiniń burynǵy basshysy Muhtar Ábilıazov onyń tanysy,
ýkraındyq bıznesmen Sergeı Tışenkonyń burynǵy áıeli Elenanyń sońyna túsý kezinde qolǵa tústi, dep habarlady Reseı jańalyqtar qyzmeti.
Qazaqstan azamaty Ábilıazov Frantsııada Kann qalasynyń mańynda ustalǵan bolatyn. Eks-an-Provansa soty qazir ony ekstradıtsııalaý máselesin sheship jatyr. Qashyp júrgen bank ıesiniń bul elden shyǵarylýyn Qazaqstan, Reseı men Ýkraına talap etip otyr. Aıta keter jaıt, Qazaqstan men Frantsııa arasynda ekstradıtsııalaý týraly kelisim joq, ony Reseıge ekstradıtsııalaýy múmkin, alaıda munda birqatar shekteýlerge baılanysty Ábilıazovti Ýkraınaǵa berý múmkindigi qaralyp jatyr.
«Іzine túsken áıel - Elena Tışenko. Ol Ábilıazovtiń ýkraındyq bıznes-seriktesi Sergeı Tışenkonyń burynǵy áıeli. Ótken aptada sot otyrysyna qatysqan (Ábilıazov jymqyrǵan qarjyǵa qatysty isterdiń birine). Ol Londonda sot ǵımaratynan shyqqannan keıin baqylaýǵa alyndy jáne Frantsııaǵa qaıtyp oralǵan», - dedi agenttiktegiler.
Buqaralyq aqparat quraldarynda buǵan deıin Tışenko Ábilıazovtiń zańgeri dep aıtylyp júrdi. London sotynda ol International Petroleum Services Group Limited kompanııasynyń ókili retinde qatysyp, Ábilıazovtiń kompanııa aktıvterine ıelik etetindigin joqqa shyǵardy.
Ábilıazov Kann qalasynyń soltústigine qaraı 10 shaqyrym qashyqtyqtaǵy Mýan-Sartý degen jerdegi vıllalardyń birinde ustaldy. Burynǵy bank ıesi alty jatyn bólmesi, úlken saıabaǵy bar Zenith vıllasyn jaldap turǵan. Polıtsııa qyzmetkerleri Londonǵa kelgennen soń Ábilıazovke jolyqqan Tışenkonyń izin ala ony tanyp, ustaǵan.
