Ábilhan Qasteevtiń týǵanyna 110 jyl toldy

1904 jyly Almaty oblysy Jarkent aýdanynda ómirge kelgen áıgili sýretshi 1973 jyly 2 qarashada Almatyda 69 jasynda kóz jumǵan bolatyn. Bala kezinen-aq aǵashtan oıyp, tastan qashap jan-janýarlardyń músinderin jasaýmen áýesten ol Túrkisib temir jolynyń qurylysynda jumys jasaıdy. Odan keıin 1929-1936 jyldary Almaty men Máskeýdegi kórkemsýret stýdııalarynda dáris alady. Halyq ómirinen syrt shertetin myńnan astam kórkem týyndylardyń avtory eren eńbegi úshin 1944 jyly Qazaq KSR Halyq sýretshisi ataǵyna ıe boldy. Búgingi tańda onyń esimin ıelengen Almatyda memlekettik óner murajaıy jumys jasaıdy. Áıgili keskindemeshiniń "Túrkisib" (1932), "Pishen shabý" (1934), "Jambyldyń portreti" (1937), "Torǵaı joryǵy" (1941), "Jas Abaı", "Jazýshy Sábıt Muqanov" (1945), "Gúl ashqan alma" (1958), "Meniń Otanym" (1959), "Qapshaǵaı GES-i" (1972) sııaqty kartınalary tek otandyq ǵana emes alys-jaqyn shet elderdiń de óner súıer qaýymynan joǵary baǵasyn alǵan bolatyn.