Ábilhan Amanqul kásipqoı bokstaǵy alǵashqy jekpe-jeginde jeńiske jetti

NUR-SULTAN. QazAqparat - Qazaqstandyq boksshy Ábilhan Amanqul kásipqoı bokstaǵy birinshi jekpe-jegin sátti ótkizdi, dep habarlaıdy QazAqparat tilshisi.

Ábilhan Amanqul kásipqoı rıngke alǵashqy qadamyn AQSh-tyń Mınneapolıs qalasyndaǵy boks keshinde bastady. Ol amerıkalyq Devonte Makdonaldpen (1-0, 1 KO) qolǵap túıistirdi.

Orta salmaqtaǵy boksshylar jekpe-jegi tórt raýndqa josparlanǵan edi. Ábilhan qarsylasyn ekinshi raýndta tehnıkalyq nokaýtqa jiberip, kezdesý merziminen buryn aıaqtaldy.

Osylaısha ol kásipqoı boksqa qadamyn jeńispen bastady.

Ábilhan Amanqul 1997 jyly dúnıege kelgen. Áýesqoı boksta 2017 jyly álem chempıony, Azııanyń qola júldegeri atandy.

Buǵan deıin Jánibek Álimhanuly WBA reıtınginiń úzdikter qatarynan shyǵyp qalǵanyn jazǵan edik.