Ábilhan Amanqul bokstan Olımpıada oıyndarynyń besinshi joldamasyn enshiledi
Erler arasynda 75 keli salmaqta el namysyn qorǵap jatqan boksshymyz shırek fınalda ózbekstandyq Fanat Qahromonovpen qolǵap túıistirip, tóreshilerdiń bir aýyzdy sheshimimen jeńiske jetti. Osylaısha jartylaı fınalǵa shyqty. Sondaı-aq, boksshylar arasynan Tokıo Olımpıadasyna boksshylar arasynan (er, áıelderdi qosqanda) besinshi joldamany jeńip aldy.
Aıta keteıik, otandasymyz alǵashqy aınalymda Ońtústik Koreıa boksshysy Kım Chje Jınseımen judyryqtasyp, aıqyn basymdyqpen jeńiske jetken bolatyn. Mine, shırek fınalda da qarsylasynan basym túsip, jartylaı fınalǵa ótip qana qoımaı tórtjyldyq dodaǵa qatysýǵa múmkindik aldy.
Esterińizge sala keteıik, osyǵan deıin atalǵan olımpıadalyq irikteý týrnırinde erlerden 69 keli salmaqta Abylaıhan Júsipov, 81 keli salmaqta Bekzat Nurdáýletov, 91 keli salmaqta Vasılıı Levıt Tokıo Olımpıadasyna joldama jeńip alsa, áıelder boksynan 75 kelide Nadejda Rıabets ǵana jalǵyz joldamany qanjyǵasyna baılady.
Osylaısha, qazirgi ýaqytqa deıin Iordanııanyń Amman qalasynda ótip jatqan bokstan Olımpıadaǵa irikteý týrnırinde bes boksshy lıtsenzııa utyp aldy.
