Ábilhan Amanqul arlandyqtardyń jeńisin eseleı tústi
ASTANA. QazAqparat - Şýche qalasynda ótip jatqan Búkilálemdik boks serııasynyń (WSB) 8-maýsymy aıasynda Ábilhan Amanqul reseılik Rasýl Alıevten basym tústi, dep habarlaıdy QazAqparat.
75 kelige deıingi salmaqta 2017 jylǵy WSB chempıony Ábilhan Amanqul reseılik tanymal boksshy Rasýl Alıevpen judyryqtasty. Kezdesýdiń 5 raýndy da tartysty boldy. Nátıjesinde Ábilhan reseılikti 3-0 esebimen jeńdi.
Endi 49 kelige deıingi salmaqta Qazaqstannyń 4 dúrkin chempıony, Azııa chempıony, 2015 jáne 2017 jyldardaǵy WSB chempıony Temirtas Júsipov Reseıdiń Alys Shyǵys Federaldy okrýgi chempıonatynyń eki dúrkin jeńimpazy Borıs Sıdorovpen kezdesedi.
Buǵan deıin 60 kelige deıingi salmaq sanatynda sharshy alańǵa shyqqan Qazaqstannyń 3 dúrkin chempıony, Azııa oıyndarynyń chempıony, 2017 jylǵy jetinshi maýsymnyń WSB chempıony Іlııas Súleımenov Reseıdiń eki dúrkin chempıony Vasılıı Vetkınnen basym tústi.
Odan keıin 64 kelige deıin salmaqta sharshy alańǵa kóterilgen 2017 jylǵy WSB chempıony Dilmurat Májıtovte reseılik Konstantın Bogomazovtyń jolyn kesti.
Al aýyr salmaqta birqatar halyqaralyq týrnırdiń jeńimpazy Nurbol Altaev Reseıdiń Ortalyq Federaldy okrýgi chempıonatynyń jeńimpazy Rovshan ıAgýbzadeden 2-1 esebimen basym tústi.
Esterińizge sala ketsek, «Astana Arlans» boksshylary 2018 jyldyń birinshi shaıqasyn Qaraǵandy qalasynda 10 aqpan kúni «Indian Tigers» komandasyna qarsy ótkizgen bolatyn. Nátıjesinde arlandyqtar 4:1 esebimen jeńiske jetken edi.
