Ábilázovke kanadalyq soıa ne úshin qajet boldy?

Almaty qalasynyń qylmystyq ister jónindegi mamandandyrylǵan aýdanaralyq sotynda qashqyn bankır Muhtar Ábilázov pen onyń sybaılastarynyń qylmystyq isi boıynsha basty sot otyrysy jalǵasyp jatyr. Búgingi kezekti sot otyrysynda memlekettik aıyptaýshylar «BTA banki» AQ-nyń mıllıondaǵan qarajatyn jymqyrýǵa qatysty epızodtardyń birin jarııa etti.

Sot otyrysynda aıyptaýshy taraptyń habarlamasynan málim bolǵanyndaı, 2007 jyly Muhtar Ábilázov óziniń «oń qoly» bolǵan Jaqsylyq Jarymbetov jáne Veronıka Efımovamen birlese otyryp, Seıshel araldarynda tirkelgen «Global Team Company» offshorlyq kompanııasyna baqylaý ornatady.

Aıta keterligi, búgingi sot otyrysynda túsinik bergen BTA banktiń burynǵy qyzmetkeri ıÝlııa Salıýleva offshorlyq kompanııalar men ártúrli jaýapkershiligi shekteýli seriktestikterdi bank qyzmetkerleriniń atyna tirkeý qalypty tájirıbege aınalǵanyn habarlady. Atap aıtqanda, mundaı tájirıbeni banktiń №6 korporatıvtik bıznes basqarmasy júzege asyrǵan. Atalǵan basqarma zańsyz jolmen birneshe mıllıondaǵan nesıeler berilgen rezıdent bolyp tabylmaıtyn kompanııalardyń qujattaryn daıyndaýmen aınalysqany belgili boldy. «Men BTA bankte 2005-2009 jyldar aralyǵynda jumys istedim. Negizinen, rezıdent bolyp sanalmaıtyn kompanııalardyń qujattaryn tirkep, jınap, quzyrly mamandarǵa berip otyrdym. Meniń tizimimde 130-ǵa jýyq kompanııalar boldy»,- dep áńgimeledi sotta kýáger.

Máselen, 2007 jyldyń qyrqúıek aıynda №6 korporatıvtik bıznes basqarmasy «Global Team Company» offshorlyq kompanııasyna nesıe berý týraly ótinishti daıyndap, bankke jiberedi. Bul ótinishtiń negizdemesine banktiń aınalymdaǵy óz qarajatynyń kólemin ulǵaıtý dep jazylady. Al nesıeniń kómegimen 55 myń tonna kanadalyq sary soıany satyp alý josparlanǵan. Aldyn-ala jasalǵan jospar boıynsha, atalǵan  ónim Qazaqstan aýmaǵyna biraz ýaqyttan keıin tasymaldanbaqshy bolǵan. Alaıda, ol taýar múldem jetkizilmegen. Biraq taýardyń jetkizilmegenine jáne kúmán týǵyzatyn kepildikke qoıylǵan qunyna qaramastan «Global Team Company» offshorlyq kompanııasyna 52 mıllıon AQSh dollary kólemindegi nesıe beriledi.

Atap aıtarlyǵy, arada qanshama jyldar ótse de, atalǵan kompanııaǵa nesıe ne úshin berilgeni, al kepildikke qoıylǵan múlik retinde nelikten kanadalyq soıanyń bolǵany áli kúnge jumbaq kúıinde qalyp otyr. Bálkim, Muhtar Ábilázovtiń ózi osy ónimdi unatqan shyǵar? Soıa demekshi, sottyń keshegi otyrysynda Muhtar Ábilázovtiń jekemenshik ushaqtaryn satyp alýǵa birneshe mıllıardtaǵan nesıelerdi bólý úshin, BTA banki soıany kepildikke qoıǵany málim bolǵan edi. Bálkim, Ábilázov myrza álemdik naryqta soıa altynnan da qymbatqa satylady dep oılaǵan shyǵar?

Sonymen qatar, Muhtar Ábilázov pen onyń sybaılastarynyń uıymdasqan qylmystyq qaýymdastyǵy osyǵan uqsas syzbamen «Global Team Company» offshorlyq kompanııasynyń jáne aty bar da, zaty joq kanadalyq soıanyń kómegimen taǵy da 36 mıllıon AQSh dollaryn jymqyrǵan.

Sot otyrysynda sóz alǵan BTA banktiń basqarma tóraǵasynyń burynǵy orynbasary Jaqsylyq Jarymbetov Muhtar Ábilázovtiń baqylaýyndaǵy offshorlyq kompanııalarǵa birneshe mıllıondaǵan nesıelerdi berýge járdem jasaǵanyn málim etti. «Bul jerde men ózimniń kinámdi moıyndaımyn. Nesıe zańsyz jolmen berildi. ıAǵnı, osy nesıeni berýge jol ashatyn qujatqa qol qoıǵanym ras»,-dedi sottalýshy.