Ábilázov Reseıge ekstradıtsııalaý jónindegi sheshimge qarsy shaǵym túsirdi
ASTANA. QazAqparat - Qazaqstannyń burynǵy energetıka, ındýstrııa jáne saýda mınıstri, BTA banktiń eks-dırektory Muhtar Ábilázov Eks-an-Provans qalasy sotynyń ony Reseıge ekstradıtsııalaý jónindegi sheshimine qarsy shaǵym jasady, dep habarlaıdy ITAR-TASS.
«Frantsýz soty Ábilıazovti Reseıge ekstradıtsııalaý týraly sheshim jasady, alaıda biz bul úkimniń joıylýyna qatysty barlyq sharalar jasaımyz. Ábilázovtiń Reseıge de, Ýkraınaǵa da ekstradıtsııalanýyn boldyrmaýǵa tyrysamyz», - dedi Ábilázovtiń zańgeri Mark Feıgın.
Bunyń aldynda Muhtar Ábilázovtiń qorǵaýshylary Ýkraınaǵa qarsy aryz túsirdi. Bul shaǵymda Ábilázovti Ýkraınaǵa ekstradıtsııalaý máselesin qaraýdy doǵarý talap etilgen. Advokattardyń aıtýynsha, iste kóptegen quqyqtyq qatelikter oryn alýda. Ábilázovtiń qorǵaýshylarynyń biri Jerar Cholıakınniń sózine qaraǵanda, ýkraınalyq bılik frantsýz sotyn aldamaqshy bolǵan.
Muhtar Ábilázov Reseıde, Ýkraınada jáne Qazaqstanda birneshe qylmystyq ister boıynsha aıyptalýda. Olardyń barlyǵynda da Ábilázov banktegi 5 mlrd. dollar aqshany shetelge shyǵardy degen dálel keltirýde. Máskeýde onyń sybaılastary - Ábilázovke tıesili «Eýrazııa logıstık» kompanııasynyń ókilderine qatysty sot ótip, olardyń barlyǵy 8-9 jylǵa bas bostandyǵynan aıyrylǵan bolatyn. Reseıdiń ekstradıtsııalaý týraly shaǵymynyń negizinde Ábilázov 13 shildede Frantsııanyń Kann qalasynyń mańynda arnaıy jasaqtyń kómegimen qolǵa tústi.
