Ábilázov Qazaqstanǵa ekstradıtsııalansa, kemi 13 jylǵa bas bostandyǵynan aıyrylyp, múlki tárkilenedi

ASTANA. 6 tamyz. QazAqparat - Ábilázov Qazaqstanǵa ekstradıtsııalansa, kemi 13 jylǵa bas bostandyǵynan aıyrylyp, múlki tárkilenedi.

Bul týraly búgin QR Bas prokýratýrasynda ótken brıfıng barysynda vedomstvonyń resmı ókili Nurdáýlet Súıindikov málim etti.

«M. Ábilázov birqatar aýyr qylmystar jasady dep aıyptalýda. Onyń ishinde uıymdasqan qylmystyq top qurý, urlaý, zańsyz, qylmystyq jolmen alynǵan qarajattardy jylystatý, bank qarajattaryn zańsyz jolmen paıdalaný sekildi aıyptar bar. Bul rette asa aýyr qylmystar boıynsha 13 jylǵa deıin bas bostandyǵynan aıyrý jazasy taǵaıyndalady, aıyptynyń múlki tárkilenedi», - deıdi N. Súıindikov.