Abylaıhan Júsipov ekinshi ret bokstan Azııa chempıonatynyń fınalyna ótti

ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Abylaıhan Júsipov fınalǵa shyqty.

Álem birinshiliginiń úsh dúrkin qola júldegeri Abylaıhan Júsipov 71 kelige deıingi salmaqta Tájikstan ókili Shohobjon Shýkýrovpen sheberlik baıqasty.

Jekpe-jek Abylaıhannyń aıqyn basymdyǵymen ótti - 5:0.

Osylaısha, Abylaıhan Júsipov sporttyq jolynda ekinshi ret Azııa chempıonatynda fınalǵa joldama aldy. Budan buryn 2017 jyly osyndaı nátıjege qol jetkizgen bolatyn.

Eske sala keteıik, budan buryn Dýlat Bekbaýovtyń tájikstandyq boksshyny jeńip, fınalǵa shyqqanyn jazǵan bolatynbyz. Úsh raýnd shıraq qımyldaǵan Dýlat qarsylasynyń aldyn orap ketip otyrdy.