Abylaıhan Júsipov Azııa chempıonatynda taǵy bir kúmisti qanaǵat tutty

ASTANA. KAZINFORM – Taılandtyń Chıangmaı qalasynda bokstan ótip jatqan Azııa chempıonatynda qazaqstandyq sportshy Abylaıhan Júsipov fınaldyq jekpe-jegin ótkizdi. 

Osyǵan deıin álem birinshiliginde úsh ret qola, Azııada kúmis alǵan A.Júsipov 71 kelige deıingi salmaqta ózbekstandyq Havasbek Asadýllaevqa qarsy keldi.

Birinshi raýndta bes tóreshiniń tórteýi Abylaıhan basym dep kórsetti – 4:1. Alaıda ekinshi jáne úshinshi raýndta tarazy basy H.Asadýllaevqa aýdy. Qorytyndy esep – 4:1, ózbek sportshysynyń paıdasynda.

Osylaısha, A.Júsipov Azııa chempıonatynda ekinshi ret kúmis aldy.

Eske sala keteıik, budan buryn Sanjar Táshkenbaıdyń bokstan Azııa chempıonatynyń kúmis júldegeri atanǵanyn jazǵan edik. Sondaı-aq Mahmud Sabyrhan alǵash ret bokstan Azııa chempıonatynda top jardy. Orazbek Asylqulov bokstan Azııa chempıonatynda kúmis aldy. Dýlat Bekbaýov Azııa chempıonatynyń eki dúrkin kúmis júldegeri boldy.