Abylaıhan Júsipov alǵash ret álem chempıony atandy

ASTANA. KAZINFORM — Birikken Arab Ámirliginiń Dýbaı qalasynda ótip jatqan álem chempıonatynda Abylaıhan Júsipov (71 keli) altyn medal aldy.

Qazaqstandyq bylǵary qolǵap sheberi reseılik Sergeı Koldenkovpen qolǵap túıistirdi. Alǵashqy eki raýndta Abylaıhan qarsylasynan 4:1 esebimen basym tústi. Sheshýshi raýndta da onyń basymdyǵy baıqaldy. Nátıjesinde ol qarsylasynan basym túsip, álem chempıony ataǵyn alǵash ret jeńip aldy.

Abylaıhan Júsipov budan buryn 2017, 2019, 2021 jyldary álem chempıonatynyń qola júldegeri atanǵan edi.

Endi el quramasynan Sabyrjan Aqqalyqov (75 keli) reseılik Ismaıl Mýtsolgovpen qolǵap túıistiredi.

Aıta ketsek, budan buryn Sáken Bıbosynov (54 keli), Orazbek Asylqulov (57 keli) álem chempıony atandy.

Atalǵan dodada baq synaǵan otandastarymyz Temirtas Júsipov (48 keli), Ertýǵan Zeınýllınov (63,5 keli) qola júldeni qanaǵat tutty.

Sondaı-aq qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jáne Nurlan Saparbaı (92 keliden joǵary) jarysty erte aıaqtady.