Abylaıhan Júsipov álem chempıonatynda armenııalyq boksshyny jeńdi

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 7 jeltoqsanda el quramasynan Abylaıhan Júsipov (70 keli) sharshy alańǵa shyqty.

Otandasymyz alǵashqy jekpe-jeginde armenııalyq Ararat Arýtıýnıanmen qolǵap túıistirdi.

Qazaqstandyq bylǵary qolǵap sheberi alǵashqy mınýttan basymdyq tanytty. 

Sharshy alańda shıraq qımyldap, qarsylasyna kóbirek soqqy jumsap úlgerdi. Ekinshi raýndta ol armenııalyq boksshyny nokdaýnǵa túsirdi. Úshinshi raýndta da qarqynyn báseńdetken joq.

Qarsylasyn taǵy bir márte nokdaýnǵa jiberdi. Nátıjesinde tóreshilerdiń sheshimimen biraýyzdan 5:0 esebimen jeńiske jetti.

Aıta ketsek, qazirge deıin el quramasynan Danııal Sábıt (51 keli), Sáken Bıbosynov (54 keli), Orazbek Asylqulov (57 keli), Serik Temirjanov (60 keli), Ertýǵan Zeınýllınov (63,5 keli), Sanatáli Tóltaev (67 keli), Sabyrjan Aqqalyqov (75 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jarysty jalǵastyrýǵa múmkindik aldy.