Abylaıhan Jubanazar Olımpıada júldegerin jeńip, álem chempıonatynyń jartylaı fınalyna shyqty
ASTANA. KAZINFORM — Qazaqstan quramasynyń dzıýdoshysy Abylaıhan Jubanazar Ázerbaıjannyń Baký qalasynda ótip jatqan álem chempıonatynyń shırek fınalynda jeńiske jetti.
81 kelige deıingi salmaq dárejesinde óner kórsetken otandasymyz 2024 jylǵy Parıj Olımpıadasynyń qola júldegeri, Ońtústik Koreıa ókili Lı Yn Hvannan basym tústi.
Jartylaı fınalda Abylaıhan Jubanazar Ázerbaıjan dzıýdoshysy Zelım Tskaevpen kezdesedi.
Eske salaıyq, buǵan deıin Jalǵas Qaırolla (81 kelige deıin) jarystyń úshinshi aınalymyna ótkenin jazǵanbyz. Alaıda ol serbııalyq Mıhaılo Sımınge ese jiberip, jarys jolyn aıaqtady.
