Abylaıhan Jubanazar Grand Slam týrnıriniń qola júldegeri atandy

ASTANA. KAZINFORM – Tájikstan astanasy Dýshanbe qalasynda ótip jatqan dzıýdodan Grand Slam týrnırinde Abylaıhan Jubanazar qola medalǵa qol jetkizdi.

81 keli salmaqta synǵa túsken otandasymyz kishi fınalda chehııalyq Adam Kopetskıdi merziminen buryn jeńip, úshinshi orynǵa ıe boldy.

Bul – atalǵan týrnırden Qazaqstan quramasynyń jeńip alǵan úshinshi júldesi. Osyǵan deıin 73 keli salmaqta Darhan Qoıbaǵardyń qola medal jeńip alǵanyn jazǵan edik. 

Al, keshe 60 keli salmaqta Maǵjan Shamshadın kúmis júldege qol jetkizgen edi. 

Osylaısha, júldege qol jetkizgen qazaqstandyq tatamı sheberleri álemdik týrnırdden tek, medal alyp qana qoımaı, olımpıadalyq reıtıngide mańyzdy upaıǵa qol jetkizdi.

Aıta keteıik, atalǵan synda Qazaqstan erler quramasynan jeti salmaqta 13 tatamı sheberi synǵa túsip jatyr.

Olar:

60 keli: Maǵjan Shamshadın, Nurqanat Serikbaev

66 keli: Elaman Sultanbaı, Almas Ǵalymov

73 keli: Dastan Shaıahmetov, Darhan Qoıbaǵar

81 keli: Abylaıhan Jubanazar

90 keli: Aıan Baıǵazy, Dıdar Hamza

100 keli: Islam Bozbaev, Nurlyhan Sharhan

+100 keli: Elaman Erǵalıev, Erasyl Qajybaev.