Abylaıhan Jubanazar dzıýdodan Shveıtsarııadaǵy Grand Slam týrnıriniń fınalyna shyqty
ASTANA. KAZINFORM — Shveıtsarııanyń Lozanna qalasynda dzıýdodan Grand Slam týrnıri ótip jatyr.
Abylaıhan Jubanazar 81 kelige deıingi salmaqtyń fınalyna shyqty.
Otandasymyz jartylaı fınalda BAÁ ókili Georgıı Elbakıevten basym tústi. Osylaısha qazaqstandyq dzıýdoshy aqtyq synda ózbekstandyq Arslonbek Tojıevpen kúresedi.
Al Baqytjan Ábdirahmanov (73 kelige deıin), Ajar Ashat (70 kelige deıin), Ańsarbek Ǵaınýllın (73 kelige deıin), Ádilet Almat (81 kelige deıin) fınaldyq kezeńge óte almady.
Eske salaıyq, buǵan deıin Shveıtsarııanyń Lozanna qalasynda dzıýdodan ótip jatqan Grand Slam álemdik týrnıri Qazaqstan úshin sátsiz bastalǵanyn habarlaǵan edik.
