Abylaıhan Jubanazar dzıýdodan álem chempıonatynyń shırek fınalyna ótti
ASTANA. KAZINFORM — Qazaqstandyq dzıýdoshy Abylaıhan Jubanazar Bakýde (Ázerbaıjan) ótip jatqan álem chempıonatynyń 1/8 fınalynda jeńiske jetti.
Otandasymyz 81 kelige deıingi salmaqtyń 1/8 fınalynda ázerbaıjandyq Výsal Galandarzadeni jeńdi.
Sondaı-aq Abylaıhan Jubanazar alǵashqy aınalymda aýstralııalyq Keıshın Ochıdan basym túsken edi.
Endi Abylaıhan shırek fınalda ońtústikkoreıalyq Lı En Hvanmen kezdesedi.
Aıta keteıik, buǵan deıin Jalǵas Qaırolla (81 kelige deıin) jarystyń úshinshi aınalymyna ótkenin jazǵanbyz. Alaıda ol serbııalyq Mıhaılo Sımınge ese jiberip, jarys jolyn aıaqtady.
