Ábilahat Esbaevtyń ásh keshi ótedi

dep habarlaıdy QazAqparat.

Bul sharany áıgili sazgerdiń 85 jyldyǵyna oraı Shámshi Qaldaıaqov atyndaǵy halyqaralyq án festıvali dırektsııasy uıymdastyryp otyr. Ábilahat Ysmaǵululy 1925 jyly qarashanyń 21-inde Qostanaı oblysynyń Amangeldi aýdanynda dúnıege kelip, 1976 jyly mamyrdyń 10-ynda Almatyda dúnıeden ótken bolatyn.

Á. Esbaev ustazy A.Sapaqovtyń óleńine jazylǵan «Týǵan el» dep atalatyn eń alǵashqy týyndysyn 1942 jyly 17 jasynda ómirge ákeldi. 1951-1953 jyldary Almaty konservatorııasynda (qazirgi Qazaqtyń Qurmanǵazy atyndaǵy ulttyq konservatorııasy) joǵary bilim alǵan Ábilahat negizinen án, romans, hor, ballada janrlarynda shyǵarmalar jazdy. Onyń «Aqqýym», «Aq sáýle», «Áli esimde», «Batyrbala Bolatbek», «Beıbitshilik saqtalady», «Jaıyq qyzy», «Jastar merekesi», «Jylqyshy», «Qaıdasyńdar, dostarym», «Qyz qýý», «Marjan qyz», «Oramal», «Orteke», «Saǵynysh eken bala kez», «Shofer keldi qyrmanǵa», «Ustazym meniń, ustazym» jáne taǵy basqa ánderi halyqqa keń taraǵan. Áıgili sazger sondaı-aq, S.Adambekovtiń «Kún men kóleńke», Á.Tájibaevtyń «Toı bolarda», Q.Amanjolovtyń «Dosymnyń úılenýi» qoıylymdaryna jáne I.Baızaqovtyń poemasy boıynsha jasalǵan radıoqoıylymǵa mýzyka jazdy. Óz ómirinde 200-ge jýyq án jazǵan Ábilahat Esbaev Shámshi Qaldaıaqov, Áset Beıseýov sııaqty zamandastarymen birge qaıtys bolǵannan keıin ǵana QR Kompozıtorlar odaǵyna múshelikke qabyldandy.