«Ábil» dramasynyń stsenarıi Asian Project Market kınojobalar naryǵyna usynylady
NUR-SULTAN. QazAqparat - «Qazaqfılm» kınostýdııasy «Ábil» dramasynyń stsenarıin Ońtústik Koreıanyń Pýsan qalasynda ótetin Azııadaǵy eń iri Asian Project Market kınojobalar naryǵyna usynady. Bul jaıynda kınostýdııanyń baspasóz qyzmetine silteme jasap QazAqparat habarlaıdy.
Atalǵan jobanyń rejısseri Elzat Eskendirdiń «Óliara» fılmi 2016 jyly Halyqaralyq Pýsan kınofestıvalinde úzdik qysqametrli fılm atanǵan bolatyn.
Osy jyldyń qazan aıynda fılmniń halyqaralyq prodıýseri Anna Vılgelmı («Tórt oqıǵa», rejısseri - Emır Baıǵazın, «Zavtra more», rejısseri - Katerına Sývorova) eski ósıetterden jınalǵan qazaqstandyq shopannyń oqıǵasyn álemdik prodıýserler men ınvestorlarǵa usynady.
Asian Project Market kınonaryǵy Pýsandaǵy halyqaralyq kınofestıvaldiń aıasynda ótedi.
Bul mańyzdy is-sharaǵa bolashaǵynan zor úmit kúttiretin jobalar ǵana qatysady.
