Ábıba Ábýjaqynova álemdik reıtıngide kósh bastady
ASTANA.KAZINFORM – Dzıýdodan álem chempıonatynyń qola júldegeri, Azııa chempıonatynyń kúmis júldegeri jáne Gran-prı chempıony Ábıba Ábýjaqynova álemdik reıtıngide kósh bastady.
Halyqaralyq dzıýdo federatsııasynyń (IJF) jańartylǵan reıtıngine sáıkes, qazaqstandyq sportshy bir satyǵa joǵarlap, 5021 upaımen áıelder arasynda 48 kg salmaq dárejesinde kósh bastady.
Reseılik Sabına Gılıazova ekinshi oryn, al 23 jasar ıtalııalyq sportshy Assýnta Skýtto úshinshi orynǵa turaqtady.
Aıta keterligi, bul Ábıba Ábýjaqynovanyń alǵash ret álemdik reıtıngide kósh bastaýy.
Osyǵan deıin habarlaǵanymyzdaı, Dzıýdodan Qazaqstan jastar quramasy Azııa chempıonatyn 12 medalmen aıaqtady.
Otandastarymyz Indonezııa astanasy Djakarta qalasynda ótken qurlyqtyq dodada 1 altyn, 4 kúmis jáne 7 qola aldy.